Råzgadyvajųće zagadky na tutom vebsajtu ty nahodiš ključe na dostųp k monetam na prizovyh adresah. Kȯgda ty rěšiš zadańje, směsta odpravi monety na tvoj ličny adres prědtym kak inokto sdělaje to! Aktuaĺna veličina nagrådy jest pokazana u vśakoj zagadky. Kȯgda ty bereš nagrådų, trěba zaplatiti komisijų za prěvod, zato faktična kolikost́ ktorų ty dostavaješ bųde nemnogo menša čem pokazana.
Ako li vse zagadky pokazyvajųt 0 monet, ty jednakože možeš poprobovati råzgadati je zaradi interesa. Dobyto znańje i izkušenost́ mogųt pomogti v råzgadyvańju bųdųćih zagadȯk. Da by prověriti že ty jesi praviĺno rěšil zagadkų, izvedi adres Dogecoin iz ključa ktory ty jesi našėl. Možno upotrěbjati instrument „Verify“ na vebsajtu dogecoinmultisig. Ako li polučeny adres jest råvny prizovomu adresu zagadky, tȯgda ty jesi našėl praviĺny ključ!
Da by råzgadati něktore zagadky trěba věděti něčto o tom kak Dogecoin råbotaje. Ako li ty pŕvy raz rěšaješ take zagadky, počinaj od prostyh. Najosnovnějše zagadky sųt „WIF“ i „QR“. Trěba råzuměti je prědtym kak probovati råzgadyvati druge zagadky.
Ako někto odpravi monety na stare prizove adresy, ty možeš izigrati je råzgadavše te stare zagadky. Ty možeš slěditi za spiskom zagadȯk zaradi novyh zagadȯk i novyh nagråd na staryh zagadkah. Nove zagadky bųdųt takože oglašati sę v Dogecoin-čatah, forumah ili sociaĺnyh sět́ah. Takože bųdųt ine konkursy i råzdavańja, zato vstųpaj v onlajn občiny Dogecoin-a!
Udače!