Razgadyvajuče zagadky na tutom vebsajtu ty nahodiš ključe na dostup k monetam na prizovyh adresah. Kogda ty rěšiš zadanje, směsta odpravi monety na tvoj ličny adres prědtym kak inokto sdělaje to! Aktualna veličina nagrady jest pokazana u vsakoj zagadky. Kogda ty bereš nagradu, trěba zaplatiti komisiju za prěvod, zato faktična kolikost ktoru ty dostavaješ bude nemnogo menša čem pokazana.
Ako li vse zagadky pokazyvajut 0 monet, ty jednakože možeš poprobovati razgadati je zaradi interesa. Dobyto znanje i izkušenost mogut pomogti v razgadyvanju budučih zagadok. Da by prověriti že ty jesi pravilno rěšil zagadku, izvedi adres Dogecoin iz ključa ktory ty jesi našel. Možno upotrěbjati instrument „Verify“ na vebsajtu dogecoinmultisig. Ako li polučeny adres jest ravny prizovomu adresu zagadky, togda ty jesi našel pravilny ključ!
Da by razgadati něktore zagadky trěba věděti něčto o tom kak Dogecoin rabotaje. Ako li ty prvy raz rěšaješ take zagadky, počinaj od prostyh. Najosnovnějše zagadky sut „WIF“ i „QR“. Trěba razuměti je prědtym kak probovati razgadyvati druge zagadky.
Ako někto odpravi monety na stare prizove adresy, ty možeš izigrati je razgadavše te stare zagadky. Ty možeš slěditi za spiskom zagadok zaradi novyh zagadok i novyh nagrad na staryh zagadkah. Nove zagadky budut takože oglašati se v Dogecoin-čatah, forumah ili socialnyh sětah. Takože budut ine konkursy i razdavanja, zato vstupaj v onlajn občiny Dogecoin-a!
Udače!