Разгадывајуче загадкы на тутом вебсајту ты находиш кључе на доступ к монетам на призовых адресах. Когда ты рєшиш заданје, смєста одправи монеты на твој личны адрес прєдтым как инокто сдєлаје то! Актуална величина награды јест показана у всакој загадкы. Когда ты береш награду, трєба заплатити комисију за прєвод, зато фактична коликост ктору ты доставајеш буде немного менша чем показана.
Ако ли все загадкы показывајут 0 монет, ты једнакоже можеш попробовати разгадати је заради интереса. Добыто знанје и изкушеност могут помогти в разгадыванју будучих загадок. Да бы провєрити же ты јеси правилно рєшил загадку, изведи адрес Dogecoin из кључа кторы ты јеси нашел. Можно употрєбјати инструмент „Verify“ на вебсајту dogecoinmultisig. Ако ли получены адрес јест равны призовому адресу загадкы, тогда ты јеси нашел правилны кључ!
Да бы разгадати нєкторе загадкы трєба вєдєти нєчто о том как Dogecoin работаје. Ако ли ты првы раз рєшајеш таке загадкы, починај од простых. Најосновнєјше загадкы сут „WIF“ и „QR“. Трєба разумєти је прєдтым как пробовати разгадывати друге загадкы.
Ако нєкто одправи монеты на старе призове адресы, ты можеш изиграти је разгадавше те старе загадкы. Ты можеш слєдити за списком загадок заради новых загадок и новых наград на старых загадках. Нове загадкы будут такоже оглашати се в Dogecoin-чатах, форумах или социалных сєтах. Такоже будут ине конкурсы и раздаванја, зато вступај в онлајн обчины Dogecoin-а!
Удаче!